Hirutxuloko Hitza aldizkariarekin lankidetza

Irutxuloko Hitza astekariko Ikasleen hitza atalean parte hartzera gonbidatu gaituzte, eta, dudarik gabe, aurten ere baietz esan diegu. Hori dela eta, 3.DBHko bertsolaritzako ikasleek Kontxako obren inguruko bertso batzuk sortu ditugu astekarirako, “Gaur (ere) berandu” izenekoak.

3.DBHko Orkestrako ikasleen musikaz lagunduta bertsoak abestea polita izango litzatekeela pentsatu dugu, eta horretara ere animatu gara.

GAUR (ERE) BERANDU bertsoak

1
Goizean jeiki ta Lizeora
chromebook, arkatz ta karpeta,
Egiatikan Antiguoraino
goizeroko lasterketa.
Kotxean sartu eta nola ez!
errepidea beteta,
presaka eta urduri goaz
azterketa daukat eta!

2
Ez pasatzeko kartela ikusi
Kontxara heldu orduko,
zalantzak ditut, pasatzen banaiz,
ez al naizen damutuko…
Baina presaka gabiltzala ta
pasako naiz eta punto!
inor ez dago begira eta
ez naute harrapatuko.

3
Kontxa erdian gaude oraintxe
ta oso urduri nago,
ertzaina hortxe ikusi baitut
gero eta gertuago.
Libreta hartu eta isuna
ipiniko digu, klaro!
Eta gainera, hauxe txarrena:
buelta eman beharra dago!

4
Semaforoak denak gorrian,
ni oso urduri nago,
txakur bat jo det eta jabea,
nirekin haserre dago,
gero gurpila zulatu zaigu,
ta nahiz konpondu zeharo!
Orduerdian ezin da pasa
askozaz gauza gehiago.

5
Azterketa bat egiteko dut
gaurkoan presa nahikoa,
Kontxako obren ideia hori
da neretzako tontoa.
gu baino lehen iritsiko da
hanka gabeko astoa!
Orain ere zer? Pio Barojan
sekulako ataskoa!

6
Bederatziak jotzeko dira
honek broma izan behar du,
multa jasota azterketara
beharko nuke azaldu.
Pintxazotikan ataskoraino,
nahiz umorerik ez galdu,
ikastolara iritsi gera
ordu ta erdi berandu.

7
Klasera sartu ta ikusi det
orain genuela Mate,
Irakasleak: “ez zaitez sartu,
jarriko dizut bi parte”.
Eta kanpoan nago bakarrik
besteek bukatu arte…
Kontxako obren kulpaz gaur ere,
zero bat jarri didate.

ikastolako dbhko bertsolaritza eta orkestrako ikasleak

Betiko nortasuna, jantzi berria.

1960tik Donostian Santo Tomas Lizeoak aurten 60. ikasturtea egin du. Lehen ikasturte hartatik hona mundua, bizitza… asko aldatu dira, baina gure hasierako nortasun ezaugarriek orduan bezain bizirik jarraitzen dute. 1960 urtean, askatasun kultural eta politiko urriko...

Ikurra

Kirol jatorria 1973. urtean Santo Tomas Lizeoko kirol taldearen ikurra izango zenaren lehiaketa bat bultzatu genuen ikastolako ikasleen artean. Hainbat proposamenen artean aurkitzen zen ia 50. urtetan gurekin bidea egin duen ikurra. Jon Rotaetxek diseinatu eta gauzatu...

Txalaparta

Nola bilakatu zen txalaparta Lizeoko txirrina? 1972. urtean, Santo Tomas Lizeoa ikastolak gaur egun ezagutzen dugun kokapena hartu zuen, Donostiako Ibaieta auzo gainean. Hezkuntza lege berria zela-eta, ikastolak azpiegitura berriak behar zituen, eta horrela, aurretik...

Laranja

Lizeoko ikasle guztien artean bozkaketa egin zen eta kamiseten kolorea laranja eta estanpatua urdina izango zela erabaki zen.

Santo Tomas eta Lizeoa izenak

Nola sortu ziren? Xelebrea da, gero, santu izena duen ikastola laikoa garela aitortzea. Frankismo garaian ikastola, euskara eta euskal kultura bere osotasunean debekatuak zeuden. Lizeoaren sortzaileen asmoa Donostian euskarazko batxiler mailako eskolak ematea zenez,...

Haurren aurrean, helduok heldu

Ohar honen bitartez datozen egunotan Euskaltzaleen Topaguneak abian jarriko duen ekimenaren berri eman nahi dizuegu. Umeekin harreman zuzena dugun helduoi begirako egitasmo bat abiatuko du laster eta ekimenean parte hartzera...

biminutuluze · XII. laburmetraia digitalen lehiaketa – Epe berria: urtarrilaren 14a

Zer? LABURMETRAIA DIGITALA: Telefono mugikor batekin grabatua. Hala ere, hobekuntzak, mozketak, errotuloak... egin daitezke ordenagailuko programen bidez. Euskaraz (mutua izan daiteke). 30 segundu eta 2 minutu arteko iraupena izango dute. Lanek originalak eta...

Emakumeen aurkako indarkeriari ez

Azaroaren 25a, Emakumeen kontrako indarkeriaren aurkako Nazioarteko Eguna da. Puntu lila publikoki erakusteak berarekin dakar emakume eta gizonen arteko berdintasun eza oinarri duen era honetako indarkeriaren kontrako konpromiso aktiboa. Gure ikastolak bere...

Hirutxuloko Hitza aldizkariarekin lankidetza

Irutxuloko Hitza astekariko Ikasleen hitza atalean parte hartzera gonbidatu gaituzte, eta, dudarik gabe, aurten ere baietz esan diegu. Hori dela eta, 3.DBHko bertsolaritzako ikasleek Kontxako obren inguruko bertso batzuk sortu ditugu astekarirako, “Gaur (ere) berandu”...

2022ko biminutuluze lehiaketako irabazleak

Laburmetraia digitalen lehiaketa Biminutuluze laburmetraia digitalen XII. lehiaketako irabazleak iragartzeko momentua iritsi da. Aldez aurretik milesker ikastolako nahiz Lizeo kanpotik parte hartu duzuen ikasle guztiei. (Ez)ezagunak Aurtengo lehiaketako lehen saria...