Derrigorrezko Bigarren Hezkuntza · DBH
Derrigorrezko Bigarren Hezkuntza · DBH
Ikasle bakoitzak bere ibilbidea eraikitzea da gure funtsa, nork bere lekua aurkitzea. Aldaketa fisiko zein intelektual esanguratsuak gertatzen diren lau urteko etapa honetan, oinarrizko konpetentziak zein lanerako autonomia garatuko ditu ikasleak. Jarraipen pertsonala edukiz, bere bide propioa egiteko lehen erabakiak hartuko ditu gazte bakoitzak. Aldi honen amaieran, besteak beste, neska eta mutil bakoitzak ondorengo bidea hartuko du: batxilergoa edo erdi-mailako zikloa.
Arlo akademikoari dagokionez, etapak izaera ezberdinetako aukerak eskainiko dizkio gazteari, ikasketa autonomoa bultzatuz. Ardatz diren ohiko ikasgaiekin batera, teknologia, bertsolaritza, gorputz eta arte adierazpena edo laborategia eta abar lantzeko aukera izango du nerabeak. Eremu horietan guztietan ikaslearen jakin-mina pizten saiatuko gara, lanarekiko konpromisoa eta esfortzua garatuz, berarentzat inspiratzaile izanik.
Gure ikaskuntza-irakaskuntza prozesua beti bizirik mantentzen dugu. Lanerako konpromisoa eta ardura transmititzeaz gain, gizartean sortzen diren beharrei adi gaude, horretarako askotan kanpoko erakundeekin lankidetzan jarduten dugu.
BIDELAGUNAK
Aurreko etapetan aurreikusitako premia bereziei erantzuteko programek jarraipena izango dute. Esfortzu berezia egiten dugu maila eta adin bereko ikasleek bidea elkarrekin egin dezaten, eta horretarako errefortzu egitura sendoa dugu, bakoitzaren etorkizuneko bide egokia aurkitzeko.
ELEANIZTASUNA
Euskarak gai guztietarako oinarrizko hizkuntza izaten jarraituko du, Gaztelania eta atzerriko hizkuntzetan izan ezik. Bestalde, 3. eta 4. mailan Gizarte ikasgaia ingelesez ematen da. Lehen aipatutako aukerako ikasgai horien artean Frantsesa eta Alemana ere eskainiko dira, lau urtetan ikasi ahal izateko.
ANTOLAKETA
Ikasleen behar eta nahi anitzei erantzuteko, ordutegi eta antolaketa arrazional eta egokitua dugu; jantoki eta garraio zerbitzuekin, nahiz Hedatuz programako ekintzen eta kirolen bitartez.
ORDUTEGIA
Goiza
Sarrera: 08:15, Irteera: 12:25.
Eguerdia
Sarrera: 13:25, Irteera: 15:15.
KIROLAK Derrigorrezko Bigarren Hezkuntzan
Saskibaloia
Hockeya
Futbola
Atletismoa
HEDATUZ ekintzak Derrigorrezko Bigarren Hezkuntzan
Robotika - Proiektu teknologikoak
Tutorizazioa
Ttanttakaria
Ekintzailetasun soziala
Marrazketa eskola
Bertso eskola
Entrenatzaile ikastaroa
Egun batez irakasle
Derrigorrezko Bigarren Hezkuntzako mundua
🏃🏼➡️ KMK - ERRONKA 🤸🏼
Aurtengo DBH3ko erronkariak prest gaude igande honetan @kilometroak -eko #erronka -n parte hartzeko! 💪🏽💪🏽 Gogotsu aritu gara aurkezpena prestatzen!
Etor zaitezte Azpeitiara gu animatzera!!!📣📣
@azpeitikoikastola
#santotomaslizeoa #santotomaslizeoadbh #ikastola #hezkuntza #euskara #kilometroak #erronka
Oct 4
DBH4ko ikasleek “Justizia” ⚖️ landu dugu Giza Hezibideko klaseetan. Gaiarekin lotuta hainbat erakunderen bisita jaso genuen eta ekintza solidarioa antolatu dugu hauekin elkarlanean: @amigosolidarios1234 @asociacionchernobilelkartea @bancoalimentosgipuzkoa
Ekintza Ugandako eta Ukrainiako haur zein behar egoeran dauden gipuzkoarrei laguntzeko izango da.
#santotomaslizeoa #santotomaslizeoadbh #ikastola #hezkunta #solidarioak #ekintzasolidarioa
Jun 11
2023ko Costa Daurada Cup. Lizeoko lau talde abiatu dira gaur goizean Cambrilsera 2023ko Costa Daurada Cup-en parte hartzera⚽️⚽️. Eskerrik asko antolatzen ari diren guraso eta taldeekin joan diren monitoreei. Ondo pasa!
#santotomaslizeoa #santotomaslizeoadbh #ikastola #eskolakirola #kirola #costadauradacup2023
Apr 2
🧡Ikastolan 🏐🏀⚽Kirola heziketaren alderdi oso garrantzitsua dela badakigu. Horren erakusgai LH 5. mailan hasi eta DBH 4. mailararte 3 egunetan zehar burutzen ditugun Lizeoko Olinpiada originalak!
🥬letxuga 🍅tomate 🍋limoi eta 🔵pitufoaek besteak beste, soka tira, toka, ultimate, pasaka, boleibol, joko kooperatiboak, puxika txapelketa, eskubaloi-zakarrontzi, pala, ping pong, softball, brillet, saski erronkak eta kilometro bertikala egiten pasa ditugu azken hiru egun hauek.
#kirola #olinpiadak #lizeokoolinpiadak #santotomaslizeoalh
#santotomaslizeoadbh
#lizeoa #santotomaslizeoa #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara
Jun 23
✂️Mozketa teknika ezberdinak ezagutzen. 2️⃣ mailako Arte Adierazpeneko ikasleak mozketa teknika ezberdinen ezaugarriak aztertu ditugu.
Ondoren konposizioak antolatzen ikasi dugu eta paper 📕📗📒katalogoak sortu ditugu kolore 🔴🟠🟡🟢🔵🟣⚫️⚪️🟤eta ehundura desberdinak erabiliz.
Hiria 🏢🏬🏗🏣🏤🏥 gai nagusi hartuta, ikasitako guztiarekin amaierako konposizio bat sortu dugu.
#arteadierazpena #mozketa #sormena #artea #dbh2 #santotomaslizeoadbh #lizeoa #santotomaslizeoa #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara #bidelagunakgara
Mar 31
Atzo ekin genien ikasleei bideraturiko lanbide orientazioa saioei.
Atzokoan, 👄👂👀📢 KOMUNIKAZIO arloko profesionalak gerturatu ziren ikastolara beraien bizipen, esperientzia eta munduaren ikusmira DBH 3-4 eta Batxilergoko 1- 2koekin partekatzera.
Maria Santiago, ezkontza berezien diseinatzaile eta antolatzailea; Jon Ander Munduate, Errealeko prentsa arduraduna; Amaia Donés, itzultzaile eta zuzentzailea, eta Inaxio Loza Orbeako sare sozialen arduraduna izan genituen gurekin.
Gaur, Gizarte Ekintzak
Bihar, Bio eta Osasuna
Etzi, Teknologia
#orientazioa #lanbideorientazioa #komunikazioa #hezkidetza #santotomaslizeoadbh #santotomaslizeoabatx #lizeoa #santotomaslizeoa #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara #bidelagunakgara
Mar 15
🔬Natur Zientzien Laborategiko ikasleak ☀️💧🌱fotosintesia hobeto ulertzeko esperimentuetan murgilduak gaude. Zer da 🦠 kloroplastoa? Zein da klorofilaren funtzioa? Zer dira eta zein funtzio dute estomek?
Estomak 🪴🌳🍀landareen 🌿hostoetan dauden 🕳️ poroak dira, eta hauen bitartez sartu eta ateratzen dira CO2-a eta oxigenoa.
Hostoetan dauden 🦠kloroplastoetan daude ☀️argi energia xurgatzen duten klorofilak. Gure esperimentuen bitartez estomak eta klorofilak ikuskatu ditugu. Galdera berriak ere sortu zaizkigu… landareen sustraietan fotosintesirik ematen al da?
#laborategia #naturzientzienlaborategia #fotosintesia #aukerak #dbh #dbh3 #santotomaslizeoadbh #lizeoa #santotomaslizeoa #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara #bidelagunakgara
Mar 1
Santa Agedako kidetzea. Lehen Hezkuntzako bostgarren mailakoak eta DBH hirugarren mailako Bertsolaritzako ikasleak Antiguotik ibili gara kopla kantari.
Antiguoko elizan, Super Amara eta Noticias de Gipuzkoa ondoko plazan egin ditugu geldialdiak.
Amaitzeko Onda Vascako kazetariek elkarrizketa txiki bat ere egin digute.
#santaageda #koplak #lh5 #dbh3 #bertsolaritza #santotomaslizeoalh #santotomaslizeoadbh #lizeoa #santotomaslizeoa #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara
Feb 4
Hirugarren mailako Arte Adierazpeneko hiruhileko honetan musika kaxa bat diseinatzen ari gara, CD edo biniloentzat baliagarria izan daitekeena.
Musika taldea aukeratu eta lehen zirriborroak sortzen ari gara. Sormen prozesuko atalik "gogorrenean" gaude. Aukera ezberdinak sortu, proba ugari egin… aurrerago erakutsiko dizkizuegu emaitzak.
#arteadierazpena #aukerak #dbh #dbh4 #santotomaslizeoadbh
#lizeoa #santotomaslizeoa #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara
Feb 1
Biminutuluze laburmetraia digitalen XII. lehiaketako irabazleak iragartzeko momentua iritsi da. Bideo irabazleak ikustekoa 🎥👉 Bio-ko estekan edo www.stl.eus webgunean.
Aurtengo lehiaketako lehen saria Jule Begiristain Ribók sortutako (Ez)ezagunak lanarentzat izan da. Julek egindako lanean gauzak ez dira hasiera batean diruditena.
Bigarren saria, lehiaketako partaide historikoa den Paul Auzmendi Del Valle de Lersundirentzat izan da. Azken Jokoak lanean unibertsoaren biziraupena ziurtatzeko, biminutuluze unibertsoko pertsonaia gonbidatu berezien laguntza izango du.
Hirugarren saria Leire Lacoren Afganistaneko emakumeak laburmetraiarentzat izan da. Herrialde honetan, 1970 urtetik hasi eta bereziki 1996 urtetik aurrera, talibanak agintzen hasi ondoren eta gaur egun arte, emakumeen eskubideen egoera azaltzen digu.
Milesker ikastolako nahiz Lizeo kanpotik parte hartu duzuen ikasle guztiei.
#biminutuluze #biminutuluze2022 #sormena #santotomaslizeoadbh #santotomaslizeoabatx #lizeoa #santotomaslizeoa #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara
Jan 28
4. DBHko ikasleak, Giza Hezibidea ikasgaiaren barruan, Gobernuz Kanpoko Erakunde ezberdinekin burutu dugun lankidetzaren berri ematera joan gara DBHko beste mailetako ikasleei.
Gure Lizeokideak eta zuek ere kolaboratzera animatzen zaituztegu: berokiak, neguko oinetakoak, dirua, konpresak, tanpoiak, … guztiak dira ongi etorriak Ukrainia, Lesbos eta Ugandako haurrei laguntzeko!
#gizahezibidea #gizarteerantzukizuna #justiziasoziala #gke #dbh #dbh4 @amigosolidarios1234 @zaporeak_proiektua @asociacionchernobilelkartea #chernobyl #lizeoa #santotomaslizeoa #santotomaslizeoadbh #ikastola #donostia #hezkuntza #bidelagunakgara #euskalsustraiak #biziakgara #inspiratzaileakgara
Dec 17
