Otsailak 2-13 bitartean. Matrikula online edo eskolan bertan egin daiteke. Aurkeztu beharko den informazioa oinarrizkoa da: familiako nortasun agiriak eta errolda agiria.

Garrantzizkoa: nahi adina eskola hautatu daitezke, lehentasunaren araberako ordenean. Familiak nahi duen eskola lehenesteko, zerrendako lehen aukera izan dadila.

Matrikulazioak bere epeak-faseak eta baldintzak ditu. 26-27 ikasturterako onarpen agindua ez da oraindik argitaratu, baina badakigu otsailak 2-13 bitartean izango dela. 

Bestalde, matrikulaziorako baremoak daude, hau da, familia bakoitzak, errolda, lana non egiten duen, ikasle ohia den ala ez… Informazio hori, esteka honetan aurki zenezake. 

Lizeoko familiekin egiten dugun bileran, honako informazio hau erabiltzen dugu. 

Haur Hezkuntzan sarrera-irteerak malguak dira (8:45 –16:30). 

2 urteko haurrak egunaren zehar jaso daitezke: 

• 12:00 bazkal aurretik 
• 12:30 bazkal ondoren 
• 15:15 siesta ondoren 
• 16:30ak arte nahi den orduan 

Bi zaintza mota dugu, Haur Hezkuntzakoa eta Lehen Hezkuntzakoa. Bi kasuetan, beharrezkoak diren baliabideak jartzen ditugu 07:45etik aurrera haurrak ikastolan egotea behar baduzue. 

Gela bakoitzeko, gehienez, zenbat ikasle? 

• 2 urteko ikasleak: 17 
• HH eta LH osoan: 25 ikasle 
• DBH osoan: 30 ikasle 
• Batxilergoan: 35 ikasle 

Kopuru hauek orokorrak dira. Gero, saio espezifiko batzuetan bi irakasle egon daitezke gelako, ikasleen aniztasunari erantzuteko. 

Ikasle guztiek erabil dezakete gure garraioa, baita txikienek ere. Zerbitzuaren inguruko informazioa zabalagoa, esteka honetan. 

2 egun familiak ikastolan 

5 egun goizez (zerbitzuak martxan) 

5 egun goizez+jangela 

Haur Hezkuntzan haurrak bi urtez aritzen dira irakasle berdinarekin (3-4 edo 4-5) 

Ez dago autobusik eguerdian. Haurrak txikiak direnean, ordutegi malguak ditugu ikasleak jaso ahal izateko. 

2 urteko haurrak 12:30-12:45 tartean joaten dira siestara. Siesta, geletan egiten dute batzuk. Beste batzuk siesta gela espezifikoetan. 

3 urteko haurrak 13:15ak aldera joaten dira siestara. Siesta geletan egiten dute. 

4 urtetik gorako haurrei printzipioz ez diegu siestarik eskaintzen baina haurren batek behar handia izango balu, liburutegian aukera ematen diegu.

Lizeoko bazkaria gure sukaldean prestatzen da egunero. Ikastolan lau jangela daude, eta ia ikasle guztiek eta langile askok bertan bazkaltzen dugu. 

Jangelak ere hezkuntzarako espazioak dira. 

Haur Hezkuntzan sarrera-irteera orduak malguak dira. 

Bai, ordutegia malgua izanik bazkal ondoren jaso daitezke. 

Ikastolak udalekuak antolatzen ditu udaran, ikasturtea amaitu eta uztaileko azkeneko astea bitartean. Horren inguruko informazio zehatza gure webguneko esteka hauetan (2 urte–3 urte) aurki zenezake. 

Haur hezkuntzan, garapen prozesurako eragozpen posibleak identifikatzea da helburu nagusia: behaketa sistematikoa, arreta goiztiarra, aholkulariaren lan espezifikoa, psikomotrizitate saioak… besteak beste, horretara bideratuta daude. 

Lehen Hezkuntzan, laguntza-gela indarrean jartzen dugu, eta ikuspegi inklusiboarekin ko-irakaskuntza praktikatzen dugu, hau da, irakasle lagungarria sartzen da gelan ikasleari egokitu zaion jarduera plan pertsonalizatuaren garapena inplementatzeko. 

Bigarren Hezkuntzatik aurrera, hezkuntza berariaz sendotzeko programak daude, eta bertan saio bereziak antolatzen dira ikasgai instrumentaletan -hizkuntzetan eta matematikan- laguntza emateko. Bestalde, ikasleek tutorizazio-saio gehigarriak eska dezakete arazo puntualak dituztenean. 

Eskema batxilerrean mantentzen da, oraingoan errefortzurako ibilbidearen bitartez, zientziak zein gizarteko modalitateetan.  

Lizeoak gela egonkor mistoa du, eskuhartze oso indibidualizatua behar duten 12-20 urte bitarteko ikasleentzat. Bakoitzak bere curriculum propioa du. 

Ebaluazioa anitza da, etaparen baitan. Azterketak-kontrolak edo idatziz egiten diren proba ebaluagarriak helburu didaktikoak neurtzeko erabiltzen diren ohiko tresnak dira.  

Lehen Hezkuntzaren amaierako urtetan hasten dira, hasieran proba txikiak dira eta DBHn eta Batxilergoan indarra hartzen dute. 

Kontrolak edo azterketak, bestelako proba batzuekin konbinatzen dira, talde-lanak, aurkezpenak… eta helburu kalifikatzailea izateaz gain, ikaslearentzat auto-erregulaziorako tresnak izan behar dute. 

Zirkulazio autonomoa ematen denean, gela bakoitzeko erreferentea edo tutoreak bere espazioan jarraituko du, momentu horretan mailako beste ikasleei ere arreta egin behar dielako. Espazio bakoitzak behar bati erantzungo dio. 

Ikaskuntza prozesuan oinarri analogiko eta digitalak erabiltzen dira, azkeneko hauek konpetentzia digitalaren garapena egin ahal izateko. 

Oso txikiak direnean ikasketa joko eta elementu didaktiko fisikoen manipulazioan oinarritzen da. Lehen Hezkuntzaren 2. ziklotik aurrera hasten dira gelako baliabideak erabilita konpetentzia digitalak garatzen  eta Bigarren Hezkuntzan bakoitzak bere ordenagailu propioa du. 

Ingelesa Haur Hezkuntzan ikasten hasten dira, abesti eta jokoen bitartez. Lehen Hezkuntzatik aurrera, ikasgai bilakatzen da. Bigarren Hezkuntzan, gaur egun, ikasgaiaren saioez gain, hiru eta laugarren mailan, Gizarte ingelesez da Lizeoan, eta Batxilergoan hautazko ikasgai bat ingelesez egin dezakete.