Haur Hezkuntza
Haur Hezkuntza
Pedagogia Aktiboa
Gure proiektua Pedagogia Aktiboan oinarritzen da. Haurrak, esploratuz, esperimentatuz eta besteekin elkarlanean beraien arlo emozional, sozial nahiz kognitiboak garatuko ditu, irudikatzeko gaitasuna landuz. Etapa honetan zehar, Donostiako tontorretako batean, babestuta, naturarekin erabat lotuta dagoen espazio batean egongo dira.
Goxotasuna eta sendotasuna
Goxotasunez hezteaz gain, egunerokoan bizi dituzten erronkei segurtasunez aurre egiteko, irakasle taldearen esperientzia, testuinguru anitzak eta proiektu sendoa eskaintzen dizkiegu Santo Tomas Lizeoak ikasle eta familiei.
Kalitatezko testuinguru malguak
Haurrak malgutasun ingurune batean hezi eta garatzeko kalitatezko espazio eta baliabideak eskaintzen ditu ikastolak, adin honetako haurraren garapenean jolasak eta mugimenduak duen garrantzia erdigunean jarriz.
BIDELAGUNAK
Tutoreek, orientazio taldearekin lanean koordinatuz, ikasle guztien jarraipen pertsonala egiten dute. Haur bakoitzak bere ahalmen guztia garatzeko egiten dugu lana. Bestalde, beharren detekzio goiztiarrean erreferentea gara, urte osoan zehar eta ikasgela guztietatik pasatzen den pedagogo-psikomotrizista adituaren lana dela eta. Ikasleen gertuko behaketa eginez, haur bakoitzaren beharrak antzeman eta bideratzen dira, tutore, orientatzaile eta familiekin elkar lanean. Bestalde, Logopedia zerbitzuak, ahozko eta idatzizko hizkuntzaren garapenean gerta litezkeen gorabeheren prebentzio lanean laguntzen du.
ELEANIZTASUNA
Lizeoak euskaran oinarritutako eleaniztasuna dauka helburutzat, euskara eta euskal kulturatik mundura zabalduz. Lau urtetik aurrera ingelesa jolas, ipuin eta abestien bitartez ezagutzen hasten dira.
ESPERIENTZIAK
Ikasturtean zehar hainbat barne nahiz kanpo eskola-ekintza egiten ditugu. Lizeo barneko ekintzen artean ikasle helduagoekin egiten diren kidetzeek paper garrantzitsua jokatzen dute. Natura eta kultura arloko barne eta kanpo esperientzia hauen protagonista nagusi bihurtzen dira haurrak.
ANTOLAKETA
Familien errealitate anitzei aurre egiteko malgutasuna eskaintzen dugu; honela, gure txikienek ikastolara sartu eta irteteko ordutegi zabala dute, zaintza, garraio eta jantoki zerbitzuetan aukera zabala izanik.
ORDUTEGIA
2 URTE
A aukera
08:45 – 12:15 (harreran) / 12:30 (autobus geltokian)
B aukera
08:45 – 15:00 (harreran)
C aukera
08:45 – 16:15 (harreran) / 16:30 (autobus geltokian)
3 URTE
Goiza
08:45 – 12:20 (harreran) / 12:30 (autobus geltokian)
Arratsaldea
14:25 – 16:20 (harreran) / 16:30 (autobus geltokian)
4-5 URTE
Goiza
08:45 – 12:30
Arratsaldea
14:25 – 16:30
ZAINTZAK
Goizeko zaintza
07:45 – 08:45
HEDATUZ ekintzak Haur Hezkuntzan
Musika tailerra
Zirkoa
Yoga
Euskal dantza
Haur Hezkuntzako mundua