Gure ikasleen gaitasun eta zaletasunak sustatu eta bere bide propioa aurki dezaten, Hedatuz programaren bitartez, ikastolaz kanpoko ekintzen eskaintza zabala dugu.
 

Hedatuz Haur Hezkuntzan

Musika edo gimnasia bezalako ekintzetara modu ludikoan gerturatzeko aukera eskaintzen diegu Haur Hezkuntzako haurrei, norberaren garapen emozional eta sozialean arreta berezia jarriz.

Hedatuz Lehen Hezkuntzan

Lehen Hezkuntzako ikasleek are eta eskaintza zabalagoa dute. Alde batetik, euskal kulturan erroturiko musika eta dantza, bestetik arte adierazpen desberdinak, nahiz ingelesa, teknologia edo bestelako ezagutza espezifikoak lantzeko aukera dute.

Hedatuz Derrigorrezko Bigarren Hezkuntzan

DBHn, Hedatuz programak ikasle bakoitzaren interes eta behar desberdinak asetuko dituzten aukerak eskaintzen ditu. Ikastola orduetan zailak diren aholkularitza eta azalpen gehigarriak eskaintzeko programa dugu. Gainera, beraien ikasketa prozesua zabalduko duten ekintzak (hizkuntzak, teknologia berriak, kontzientziazio soziala, sormena) sustatuko dira.