Euskararen aldeko ekimena.
KORRIKA, Euskal Herri osoan zehar egiten den euskararen aldeko ekimen erraldoia, euskararen aldeko kontzientzia suspertzea eta euskaltegien eguneroko lana indartzeko dirua biltzea helburu dituena.
Amurriotik Donostiara, hamaika egunetan “Hitzekin” Korrika.
Martxoaren 31tik apirilaren 10era, 11 egunez, Euskal Herria zeharkatuko du 22. KORRIKA-k. Bi mila kilometro baino gehiago euskararen alde, adin eta mota guztietako milaka korrikalarirekin, gau eta egun, gelditu gabe. Amurriotik abiatu eta Donostian bukatuko da, apirilaren 10ean.
Ikastolaren kilometroa – Apirilaren 10a, 8:14 Zumalakagarregi etorbidean.
Aurten ere ikastolak ekimenean parte hartuko du, Donostiako kilometro bat erosiz eta ibilbidearen zati batean lekukoa eramanez. Apirilaren 10ean 8:14tan Zumalakarregi etorbidean dagoen Esklabak autobus geltokitik abiatuko gara. Lekukoa guztien artean eramateko gerturatu 8:00ak aldera.
Korrika txikia eta koreografia
Ikastolako txikienek eskutitzak idatzi, lekuak sortu eta txalekoak margotu ondoren, ikastolan zehar “Korrika txikia” hitzez beteko dute. Bigarren hezkuntzako ikasleek “Hitzekin” abestiaren koreografia dantzatuko dute, musika eta hitzak mugimendu eta ekintza bihurtzeko.
Informazio gehiago
22. KORRIKAren inguruan informazio gehiago jaso nahiko bazenute, jo ezazue www. korrika.eus webgunera. Bertan, 22. KORRIKA hobeto ezagutzeko, ibilbidearen inguruko informazio zehatza jasotzeko, Korrika Kulturalaren berri izateko eta aurtengo abestia entzuteko parada izango duzue, besteak beste.
