1960tik Donostian
Santo Tomas Lizeoak aurten 60. ikasturtea egin du. Lehen ikasturte hartatik hona mundua, bizitza… asko aldatu dira, baina gure hasierako nortasun ezaugarriek orduan bezain bizirik jarraitzen dute. 1960 urtean, askatasun kultural eta politiko urriko garai haietan, borondate eta ilusio guztiarekin gure euskal sustraiak finkatzea izan zen ikastolaren helburu nagusia, Lizeoa sortzera bultzatu gintuena.
Etorkizunerantz
Sei hamarkada hauetan gure ikasle eta familien bidelagun izaten ahalegindu gara. Gure sortzaileen ausardiak eta geroztik sortzen joan garen beste hainbat proiektuk, inspiratzaile bihurtu gaituzte, bai gure ikasleentzat, bai inguruko beste erakunde batzuentzat.
Jantzi berria
Lizeoaren nortasuna eta egitasmoa ez dira aldatu, ez eta aldatuko ere. Datorren ikasturtetik aurrera, ordea, gure janzkera eta estiloa aldatuko ditugu. Jadanik sare sozialetan gure bizitza, proiektu, ekimen eta gertaera esanguratsuenen berri ematen hasi gara. Aurrerantzean, gure nortasuna eta gure eguneroko jarduna islatzen dituzten ekimenak munduan aktiboki zabaltzeko asmoa dugu.
Elkar zaitez gurekin ondorengo topagune birtualetan:
Gure historiaren beste aztarna batzuk
Santo Tomas eta Lizeoa izenak
Nola sortu ziren? Xelebrea da, gero, santu izena duen ikastola laikoa garela aitortzea. Frankismo garaian ikastola, euskara eta euskal kultura bere osotasunean debekatuak zeuden. Lizeoaren sortzaileen asmoa Donostian euskarazko batxiler mailako eskolak ematea zenez,...
Laranja
Lizeoko ikasle guztien artean bozkaketa egin zen eta kamiseten kolorea laranja eta estanpatua urdina izango zela erabaki zen.
Txalaparta
Nola bilakatu zen txalaparta Lizeoko txirrina? 1972. urtean, Santo Tomas Lizeoa ikastolak gaur egun ezagutzen dugun kokapena hartu zuen, Donostiako Ibaieta auzo gainean. Hezkuntza lege berria zela-eta, ikastolak azpiegitura berriak behar zituen, eta horrela, aurretik...
Ikurra
Kirol jatorria 1973. urtean Santo Tomas Lizeoko kirol taldearen ikurra izango zenaren lehiaketa bat bultzatu genuen ikastolako ikasleen artean. Hainbat proposamenen artean aurkitzen zen ia 50. urtetan gurekin bidea egin duen ikurra. Jon Rotaetxek diseinatu eta gauzatu...
