Nola bilakatu zen txalaparta Lizeoko txirrina?
1972. urtean, Santo Tomas Lizeoa ikastolak gaur egun ezagutzen dugun kokapena hartu zuen, Donostiako Ibaieta auzo gainean. Hezkuntza lege berria zela-eta, ikastolak azpiegitura berriak behar zituen, eta horrela, aurretik Loistarain baserriarenak ziren lurrak gure bihurtu genituen. Baina nola bihurtu zen txalaparta gure ikastolako txirrin?
Sustrai sendoetatik desberdinduz
Garai hartan Santa Teresa ikastetxea bertan zegoen jadanik, eta beraien txirrin-hotsa gure ikastolatik entzuten genuen. Horrela, beste ikastetxearen txirrinetik bereizteko, alde batetik, eta gure euskal sustraiak finkatzeko, bestetik, Lizeoan txalapartaren “ttakuna” erabiltzea erabaki genuen.
Milesker Joxean Artze
Orduz geroztik, Ez dok amairu taldearen parte zen Joxean Artze olerkari eta musikariaren txalapartak markatzen ditu Lizeoko denborak.
