Benjaminetan, Lehen Hezkuntzako 3. eta 4. mailan, atletismoaren arau orokorrak eta oinarrizko trebetasunak lantzen dituzte. Talde mixtoez osatutako entrenamendu eta barne txapelketak egiten dituzte.

Alebinetan, igeriketarekin batera atletismoa da Lizeoko oinarrizko jarduera. Bosgarren mailan, atletismoaz gain urtean zehar beste bi kirol ezberdin uztartzeko aukera izaten dute. Seigarren mailan, atletismoa eta beste kirol baten oinarrizko teknika garatzen dituzte, eta Donostiako beste eskola batzuetako taldeekin lehiatzen dira.

Infantiletan, atletismoan trebatzeko eta lehiatzen ikasteko aukera izaten dute; gainera, atletismo entrenamenduak ikastolako ordutegiarekin bateragarriak izaten dira.