Gure sukaldea

5 Erabilgarriak 5 Jantokia

Gure sukaldea

JANTOKIA: Gure elikadura zure gustura

Jantokiaren helburu nagusia ikasleen artean bizitza osorako baliagarri gertatuko zaizkien elikadura-ohitura osasungarriak sustatzea da.

Dieta orekatu eta askotariko baten bitartez osasuntsu hazi eta bizitzeko beharrezkoa den energia eta mantenugaiak lortzen dituzte ikasleek gure jantokian. Horretarako, bertan prestatzen ditugu Ausolan enpresak kudeatzen dituen menu ezberdinak, ikasleen premiei egokituak.

Etxean egindako errezeta tradizionalak lehenetsiz, Osasun sailak emandako adierazpen eta gomendioetan oinarritutako menuak dira gureak. Osasun-arazo eta behar bereziak, alergia edo intolerantziak dituzten ikasleentzat egokitutako dietez gain, menu begetarianoak ere prestatzen ditugu.

Adin bakoitzaren behar eta ezaugarriei egokitutako lau jantoki ditugu, txanda ezberdinetan antolatuak. Jantokia, elikadura-hezkuntza egokia jasotzeko gunea izateaz gain, baloreetan hezteko gune garrantzitsua ere bada, non errespetua, txukuntasuna, mahaian eserita egoteko modua, lankidetza eta jasangarritasuna bezalako jarrerak landuko ditugun jantokiko begiraleekin, bai jatorduetan eta baita kanpoko jolas garaian ere.

Informazio baliagarria

HH-LH 1-2 menuak

LH 3-DBH-Batx. menuak

Etxean egindako errezeta tradizionalak lehenetsiz, osasun gomendio eta gure ikasleen premietan oinarritutako menuak dira gureak.

Hau da gure antolamendua:

2-12 urte bitartean

HH-LH
Sistema finkoa 1-5 egun (egunero edo egun finkoetan)

Egunero

Egunero ikastolan gelditu eta ohiko menua (2 plater) erabili.

Astegun finko batzuk

Asteroko egun solte sistematikoak egin daitezke, aste-egunak ongi finkatzea ezinbestekoa izanik.

Egun solteak

Egun soltearen zerbitzu eskaera egun berean, goizeko 9ak baino lehenago, egin daiteke.

12-18 urte bitartean

DBH-Batx

Osoa

Bi plater.
Gure sukaldean egin eta guk kudeatua.
Egunero.

Arina

Plater bakarra.
Gure sukaldean egin eta guk kudeatua.
Egunero.

Etxeko kudeatua

Norberak etxeko janaria ekarri, guk kudeatu berariazko jantokian.

Etxeko autonomoa

Norberak etxeko janaria ekarri eta kudeatu berariazko jantokian.